Creative Commons 3.0 RSS CSS 2.1 XHTML 1.0
Entrar  
Rexistru
La actualidá llaboral asturiana 
Escrito por ObservatoriuLlaboral el martes, 6 ochobre de 2009

Según informa Europa Press:
La Corriente Sindical d'Izquierda (CSI) convocó una concentración, a les 19.00 hores, na Plaza del Conceyu de Xixón, como protesta contra la decisión del Conseyu de Ministros de baxar de trés a dos años de cárcel, la pena a los sindicalistes Juan Manuel Martínez Morala y Cándido González Carnero, según informó'l sindicatu nuna nota prensa.

Pa CSI la decisión del Conseyu de Ministros ye un "regalu envenenáu", dao que, pon como condición, el pagu de la indemnización de 5.624,83 euros y la non implicación n'actos, demientres cuatro años, (aumentu de dos años de l'anterior situación).

Según la Corriente Sindical d'Izquierda la situación actual de crisis, los despidos masivos y los ERES requieren per parte del Gobiernu del PSOE y IU-BA-Verdes y del Ayuntamientu de Xixón, "l'amordazar cualquier movimientu, que s'organice a la escontra".
Ver Comentarios (652) Temes relacionaos: Movilizaciones 

Escrito por ObservatoriuLlaboral el martes, 6 ochobre de 2009

Según informa Europa Press:
El trabayador de la empresa Daorje Aníbal Jiménez González morrió güei a les 11.30 hores de la mañana nes instalaciones de la empresa ArcelorMittal n'Avilés, al caye-y una válvula de dos tonelaes de pesu, mientres trabayaba na depuradora principal de la citada empresa, según informaron a Europa Press fontes d'ArcelorMittal.

L'operariu, que contaba con 13 años d'esperiencia, alcontrábase realizando un corte de tubería de la depuradora cuando por causes que se tán investigando cayó-y enriba una válvula de dos tonelaes de pesu. L'home morrió nel actu, según les mesmes fontes.

Hasta'l llugar del socesu desplazáronse los servicios d'asistencia sanitaria, que nun pudieron facer nada por salvar la vida del home. Dempués, les autoridaes xudiciales procedieron al llevantamientu del cadabre.

Escrito por ObservatoriuLlaboral el llunes, 28 setiembre de 2009

Según RTPA:
Un albañil sufrió güei un traumatismu cranial tres cayer d'un andamiu a una altura de tres metros mientres trabayaba nun edificiu allugáu na cai Perú, númberu 22 del barriu La Calzada en Xixón, según informó el 112-Asturies.

Según los datos facilitaos pol Serviciu d'Atención Médica Urgente (SAMU), l'home, anque daqué mareáu tres el golpe na cabeza, tuvo consciente en tou momentu. Una UVI Móvil treslladolu al Hospital de Xove de Xixón y a falta de más pruebes, el so pronósticu ye grave.

El Centru de Coordinación d'Emerxencies del 112-Asturies recibió l'avisu a les 08.27 hores. Tres dar aviso al SAMU, l'accidente, tamién foe comunicáu a l'Autoridá Llaboral Competente.

Escrito por ObservatoriuLlaboral el miércoles, 23 setiembre de 2009

Según informa Europa Press:

Les trabayadores asturianes cobren 6.941 euros añales menos que los homes que viven na rexón, y que tienen unos salarios de 23.347 euros añales, frente a los 16.376 euros que ganen les muyeres, según la Encuesta Añal d'Estructura Salarial 2007, del Institutu nacional d'Estadística (INE).

Los sueldos n'Asturies nel 2007 asitiáronse en 20.623,81, llixeramente penriba de la media nacional, que foi de 20.390 euros.

A nivel mediu, el sueldu mediu añal de les muyeres ye un 25,6 por cientu inferior al de los homes, dao que mientres les primeres s'embolsen añalmente 16.943,89 euros, los segundos ganen 22.780,29 euros al añu.

Poro, la ganancia media añal femenina representó'l 74,4 por cientu de la masculina nel 2007, una diferencia que, sin embargu, reduzse si se consideren situaciones asemeyaes respeuto a variables, tales como tipu de contratu, de xornada, ocupación y antigüedá.

L'INE sorraya que la desigualdá salarial ye apreciable, si se tien en cuenta amás que'l 20,2 por cientu de les muyeres teníen ingresos saliarales menores o iguales que'l salariu Mínimu Interprofesional (SMI) nel 2007, mientres que sólo'l 7 por cientu de los homes alcontrábasen nesti puntu.

Si se tienen en cuenta salarios más elevaos, el 16,7 por cientu de los homes presentaron unos ingresos cuatro veces superiores al SMI, frente al 7,4 por cientu de les muyeres.

L'INE atribúi estes diferencies, ente otres razones, a la existencia d'una mayor proporción de muyeres que d'homes inferior a la ganancia media de los homes. Les mayores diferencies de ganancies ente ambos sexos produxéronse n'Asturies y Aragón.

Analizando les diferencies salariales pa cada actividá económica, les muyeres tuvieron un salariu infrior al de los varones en toes elles, siendo la educación l'actividá na que les diferencies son menos marcaes.

Escrito por ObservatoriuLlaboral el miércoles, 16 setiembre de 2009

Según El Comercio:
Un trabayador, de 26 años d'edá y y que respuende a les iniciales O.F.M., sufrió un traumatismu craneal con ferida y traumatismu nel hombru derechu al cayer d'un andamiu a dos metros y mediu d'altura, mientres trabayaba nes obres del nuevu hospital, na zona l'antiguu psiquiátricu, n'Uviéu..
Según los datos facilitaos pol Serviciu d'Atención Melica Urxente (SAMU), el mozu, que taba consciente, foe atendíu y treslladau darréu n'UVI Móvil al Hospital Central de Asturies (HUCA). A la espera de más pruebes, el pronósticu ye reserváu, según informó'l serviciu d'emerxencies 112-Asturies.
El Centru de Coordinación d'Emerxencies del 112-Asturies recibió l'avisu a les 16.39 hores.

Escrito por ObservatoriuLlaboral el llunes, 14 setiembre de 2009

Según informa Europa Press:
La multinacional ArcelorMittal espera que pa finales d'ochobre yá formen parte la plantilla los 300 trabayadores de les empreses ausiliares que se decidió internalizar.

La incorporación de los trabayadores fadrase nesta segunda quincena de setiembre y nel mes d'ochobre de manera "paulatina" según indicaron fontes de la multinacional a Europa Press, que indicaron que sedrá nos prósimos díes cuando entame'l procesu contratación.

ArcelorMittal y los sindicatos llograron algamar un alcuerdo a principios d'esti mes tres selmanas de negociación, lo que asegura non sólo el desarrollu del plan planteáu pol xigante del aceru, sinon tamién la paz social na planta asturiana.

Per otru llau, fontes de la compañía destacaron que'l fornu Altu B de Veriña, que arrancó l'ún de setiembre tres tar paráu dende'l mes de marzu, "trabaya con normalidá
Ver Comentarios (3935) Temes relacionaos: Arcelor 

Escrito por ObservatoriuLlaboral el llunes, 14 setiembre de 2009

Según RTPA:
Los 25 trabayadores de la empresa farmacéutica DIASA allugada'n Turón presentaronse esta mañana nos Xulgaos de Mieres pa la vista pola delda de los cinco meses de salariu que caltién la compañía cola mayor parte la plantilla.

Los representantes de la empresa nun se presentaron al xuiciu y el xuez dictará sentencia la selmana que vien.

Per otru llau, l'espediente de regulación d'emplego puestu'n marcha pola compañía finaliza'l prósimu vienres 18 ensin que los más de 60 emplegaos d'esta planta sepan cual va ser la so situación a magar d'esi momentu.
Ver Comentarios (192) Temes relacionaos: Movilizaciones 

Ir a página 1 2 3 ... 128 129 130